Vieiros

Cando en 2002 en Hong-Kong tivo un accidente o Gaz-Poem, evacuouse a poboación dun radio de 30 quilómetros. En Sidney, a planta de gas de Long Ford sufriu tamén un accidente onde un incendio queimou 800 toneladas de gas: evacuáronse 40 mil persoas.

Reganosa, con capacidade para 600 mil metros cúbicos de gas e ás portas das vivendas dos ferroláns, podería causar un auténtico desastre no caso de sufrir un accidente a propia planta ou calquera dos buques gaseiros que entrarán na ría.

Por este motivo, os profesionais de emerxencias da área de Ferrol denuncian que nesta altura e coa factoría facendo xa probas, aínda non se deseñou un plan de emerxencias. "É unha das maiores ameazas para a vida que existen en toda Europa", queixouse este mércores Carlos Lareo, membro do 061 en Ferrol.

Unha explosión froito dalgún escape de gas, queimaría unha extensión de ate 8 quilómetros, chegando até Fene e Mugardos. "Poderiamos ser o segundo Chernobyl ou Bopal", advirten.