Na memoria está a dignidade

[21/01/2010 16:45] por Héitor Mera Herbello

Carta arqueolóxica do Concello de Cerdedo

Calros Solla

Edicións Morgante, colección Cercedo in the Voyager, Cangas de Morrazo, 2010. 211 páxs., 12 €

A editorial Morgante de Cangas do Morrazo ten a ben reeditar toda a bibliografía de Calros Solla nacida dos seus moitos anos como estudoso das diferentes cuestións referidas ao Concello de Cerdedo e a súa bisbarra. Continuar

Penélope reinterpretada

[21/01/2010 12:58] por Manuel Rodríguez Alonso

Circe ou o pracer do azul

Begoña Caamaño

Galaxia, Vigo, 2009. 309 páxs., 19 €

Malia o título, onde aparece Circe, nesta novela epistolar e psicolóxica a protagonista é Penélope, a heroína grega, reinterpetada dun xeito moi atractivo por Caamaño, que consegue, malia que o lector xa sabe cal é o desenlace desde o primeiro momento, mantelo engaiolado ata a derradeira páxina da historia. Continuar

A novas Auria/Oria

[18/01/2010 09:18] por Manuel Rodríguez Alonso

Dime algo sucio

Diego Ameixeiras

Xerais, Vigo, 2010. 217 páxs., 15,80 €

Na narrativa galega existe un subxénero que poderiamos denominar a novela de Ourense, caracterizada pola presenza da cidade como un personaxe máis. Desde o Rexurdimento –grazas a Lamas, Pérez Placer…- e seguindo por Risco, Otero Pedrayo, Blanco Amor ou o propio Méndez Ferrín, a cidade de Ourense actúa como personaxe e ata protagonista colectivo na narración. Diego Ameixeiras nesta novela incide nesta liña, aínda que agora Ourense non sexa Oria nin Auria, senón Oregón. Continuar

Novela prescindible

[21/12/2009 08:46] por Héitor Mera Herbello

O lobishome de Candeán

Paula Carballeira

Galaxia, Vigo, 2009. 130 páxs., 12,10 €

Paula Carballeira sérvese de toda a mitoloxía arredor do lobishome para tecer esta historia que vén de presentarnos na colección Costa Oeste de Galaxia. Como outros autores anteriormente, lembramos a novela de Alfredo Conde, Romasanta. Memorias incertas do home lobo que mesmo foi levada ao cine xa hai uns anos, sérvese do misterio que rodea esta figura estraña do lobishome para intentar darlle explicación a un feito como é a aparición dunha rapaza asasinada en estrañas e moi violentas circunstancias. O assainato é o motivo que nos leva a unha trama na que ao longo dos capítulos desta novela curta, centra a súa atención nos personaxes que pretenden darlle sentido a unha situación nova e indesexable. Continuar

Viaxe polos vieiros da imaxinación

[14/12/2009 17:19] por Héitor Mera Herbello

Mil cousas poden pasar (Libro I)

Jacobo Fernández Serrano

Xerais, Vigo, 2009. 217 páxs., 12,50 €

Falabamos nunha recensión anterior de tres variables que se deberían de dar nun libro concibido para lectores infantes. A saber: imaxinación, entretemento e aprendizaxe. Neste libro de Jacobo Fernández, ao seu xeito, non se dan estas tres variables, senón que ademais hai unha nova varible fundamental que é o humor, o humor en clave galega, esa retranca que sempre caracterizou a nosa maneira de ser. Poderíamos falar de outras moitas virtudes deste libro, gañador, por certo, do Premio Merlín de Literatura Infantil do ano 2009, mais por non abranguer máis do que toca nunha recensión coma esta, dicir que todo o que vimos de citar nestas primeiras palabras, aparecen en Mil cousas poden pasar no grao de sublime. Continuar

Crime sen castigo

[14/12/2009 17:13] por Manuel Rodríguez Alonso

Mercurio

Emilio Alonso

Xerais, Vigo, 2009. 104 páxs., 15,80 €

Emilio Alonso, na súa primeira novela, dentro do xénero policial, ou aínda mellor da novela negra, presenta un crime que non acaba sendo castigado, pois o asasinado era un impresentable que, segundo a frase con que remata este relato, pertencía ao grupo dos "mortos que están moi ben matados". Continuar

Na procura das orixes

[11/12/2009 14:46] por Manuel Rodríguez Alonso

Sete palabras

Suso de Toro

Xerais, Vigo, 2009. 317 páxs., 19 €

Nesta nova entrega de Suso de Toro un narrador autorreflexivo en segunda persoa que se identifica co propio novelista realiza a reconstrución das orixes paternas da súa familia a partir das investigación sobre a vida do avó abandonado no hospicio de Zamora, sen ningún dato sobre a identidade do seu pai e da súa nai. Se as orixes do avó están na néboa, tamén a súa vida posterior á voda transita polo misterio, pois decide marchar para América, para gañar un cartos como emigrante, e nunca máis se sabe del.
A novela, nesta reconstrución histórica, combina a historiografía (a través de fontes tradicionais e escritas, mais tamén por medio da historia oral de posibles testemuñas dos feitos) coa imaxinación propia da ficción, pois a imaxinación deste narrador autorreflexivo, cando non hai datos ou a partir de datos moi cativos, elabora posibles vidas deste avó descoñecido. Continuar

Un atasco entretido

[30/04/2009 10:49] por Manuel Rodríguez Alonso

Peaxes

Santiago Lopo

Xerais, Vigo, 2009. 91 páxs., 15,80 €

Todos nós pasamos algunha vez polas peaxes das autoestradas. Oír peaxe é sinónimo de atranco, aburrimento, fastío… Non obstante, despois de lermos esta novela curta de Santiago Lope, estas connotacións negativas da peaxe cambiarán sen dúbida ningunha. Continuar