Vieiros

'A última oportunidade para salvar o planeta' remata en fracaso absoluto

O chamado Acordo de Copenhaguen non é vinculante, non contén cifras de recorte de emisións de CO2, nin a supervisión mundial dos países emerxentes.

"A xente de Copenhaguen apoia as protestas, mais están atemorizados"

Antón Gómez-Reino, activista galego na capital danesa, coméntanos os últimos incidentes coa Policía do país, que -di- non emborrallan porén os éxitos do Klimaforum.

A Policía de Copenhaguen repele con gases os activistas do Klimaforum

Por outra banda, a ministra danesa Coni Hedegaard anunciou que deixaba a Presidencia da Cimeira do Clima.

• En directo: Testemuño galego desde o cumio

"Botade auga nos ollos, que van bombardear con gas pementa"

Militante altermundista de FugaEmRede, é testemuña directa da "violencia policial" en Dinamarca onde se desenvolve o Cumio do Clima e en paralelo, o Klimaforum.

O goberno dos EUA poderá regular o índice de emisións de gases á atmosfera

Por outra banda, Verdegaia critica que a actual Xunta anulou o plan aprobado polo bipartito para reducilas e aínda non presentou un alternativo.

Copenhaguen: Hai alguén aí?

Representantes de máis de 190 países do mundo buscan dende este luns un acordo que supere o Protocolo de Quioto e que sirva para frear o grave deterioramento ambiental do planeta.

O espírito de Seattle revive en Xenebra

A Sétima Conferencia Ministerial da OMC, que comeza o luns vindeiro, vai ser recibida cunha marcha previa este sábado, unha década despois da Batalla de Seattle.

O comercio entra en xogo

Un factor clave pode impedir calquera solución para o planeta: o libre comercio. Terceira e última entrega do especial informativo: Canto custa arrefriar o Planeta?.

Na procura dun Quioto II

Ofrecémoslles a segunda entrega do especial informativo de cara ás cimeiras do Cambio Climático en Copenhaguen e da ministerial da OMC en Xenebra.

• Máis información:  Canto custa arrefriar o planeta?

"Reclama o poder! Presiona por xustiza climática"

Milleiros de activistas están a preparar unha gran mobilización para este sábado, 28 de novembro, en Xenebra, que ha continuar até o 18 de Nadal en Copenhaguen.

Quioto, un fracaso estrepitoso

O problema xorde cando a obsesión polo crecemento económico pon en perigo a vida no Planeta en todas as súas formas. Primeira entrega do especial Canto custa arrefriar o Planeta?.

Canto custa arrefriar o Planeta?

A Terra e a humanidade xogan o seu futuro nas próximas tres semanas. Analizamos as claves da man dun experto nesta cuestión, Manoel Santos, director de Altermundo.

As protestas do sábado en Copenhaguen non remataron en violencia desta vez

Malia que a policía xa tiña despregado un forte dispositivo antidisturbios, Copenhaguen non viviu na noite do sábado outra madrugada de violencia e altercados. A concentración nocturna para protestar polo peche dun centro xuvenil alternativo non dexenerou en violencia. Entre o xoves e o venres as forzas de seguridade detiveron a máis de 600 radicais no que cualificaron como a peor vaga de violencia da última década.

Copenhaguen prepárase para unha nova noite de disturbios

A madrugada do venres deixou case douscentos feridos, lumes e importantes danos materiais, e para este sábado espérase máis do mesmo. A policía de Copenhaguen xa se está a preparar para o que sería a terceira noite consecutiva de disturbios, logo de que o pasado xoves se desaloxase pola forza un centro xuvenil alternativo no centro da capital dinamarquesa.

Codega, satisfeita coa decisión sobre Pinochet.

O voceiro da Comisión dos Desaparecidos Galegos na Arxentina (Codega), Manuel Barreiro, sinalou onte que se deu un "paso importante" na creación dun orden internacional sen fronteiras para os dereitos humanos, coa decisión do Ministro británico do Interior, Jack Straw, de dar luz verde a continuación do proceso de extradición do xeneral Augusto Pinochet a España.