Vieiros

O presidente estadounidense, George W. Bush, confirmou esta cuarta feira que Estados Unidos atópase no medio dunha grave crise financeira, á vez que tratou de convencer os norteamericanos a que apoien un plan de rescate financeiro de 700 mil millóns de dólares para sacar de apuros ás entidades.

"Estamos no medio dunha grave crise financeira e o goberno federal está respondendo cunha acción decisiva", manifestou Bush nunha mensaxe de urxencia pronunciado pola noite desde a Casa Branca.

Nese sentido, o mandatario estadounidense alertou de que "o mercado non está funcionando apropiadamente", hai unha importante perda de confianza, os sectores máis relevantes están en risco, e máis bancos poderían declararse en bancarrota e provocar unha recesión na economía estadounidense", agregou Bush.

"Son un forte defensor do libre mercado, así pois o meu instinto natural é oporme á intervención do goberno", asegurou Bush. Pero "estas non son circunstancias normais. O mercado non está funcionando correctamente. houbo unha enorme perda de confianza", remarcou.

• Máis información: The New York Times, USA Today, The Wall Street Journal