Calculan que Reganosa precisaría meter na ría un buque metaneiro cada tres días
O Comité Cidadán avisa da ampliación que pretende a planta de gas.
Na solicitude de autorización da planta de Reganosa en Ferrol consta o obxectivo dunha capacidade de regasificación de 322.500 metros cúbicos por hora. Desde o Comité Cidadán sinalan que nese suposto serían necesarios unha media duns 43 barcos gaseiros por ano, arredor dun entrando pola preamar cada nove días. Con ese volume de actividade, a planta usaría arredor de 300 mil toneladas de auga ao día.
A maiores, o Comité subliña a advertencia fronte á ampliación que busca Reganosa, cunha capacidade de regasificación de até 800 mil m3/hora. Nese caso, a planta usaría o dobre de auga e precisaría a subministración de 105 metaneiros cada ano, arredor dun entrando na ría cada tres días cunha media de 140 mil m3 de gas.
As cifras foron subliñadas este mércores, durante a xuntanza en asemblea do colectivo cidadán, e onde se debateu a situación e falouse da preparación de novas accións en favor da liberdade para Bernardo Bastida, patrón maior da Confraría de Pescadores de Ferrol.
Novas relacionadas
- Remata con éxito a marcha de apoio a Bernardo Bastida
- Por un mar limpo, por unha ría con futuro
- A manifestación do domingo contra Reganosa suma o apoio de ducias de colectivos
- O metaneiro chega a Reganosa e a tensión trasládase aos xulgados ferroláns
- Medio cento de persoas asinan a autoinculpación en solidariedade coa loita contra Reganosa
- Piden o cesamento do delegado do Ministerio que autorizou probas en Reganosa
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto