Vieiros

A crise económica está a notarse, e moito, na edificación de novas vivendas. Segundo datos oficiais do Instituto Galego de Estatística (IGE), en 2009 os concellos do país concederon 3.023 licenzas para a construción de novos inmóbeis, fronte aos 6.242 permisos que aprobaran un ano antes. Os consistorios autorizaron a rehabilitación de 1.565 edificios e de 959 vivendas unifamiliares. En 2008, este tipo de permisos ascenderan, segundo o IGE, a 1.786 e 1.277.

Os ingresos por licenzas urbanísticas e polo Imposto de Bens e Inmóbeis son unha importante fonte para uns concellos que recoñecen que a crise inmobiliaria está a reducir as súas capacidades orzamentarias. A caída inmobiliaria afecta especialmente aos consistorios máis urbanizados e costeiros.