Homenaxe nas Neves ao XGZ horas despois de a UCI lle renovar a licenza
Ao comezo da 'XVII Marcha ciclista Camiño do Requesón', o alcalde do municipio facía entrega dunha placa á equipa profesional galega.
Saída da proba (clique para ampliar)
O Xacobeo Galicia (XGZ) foi homenaxeado no comezo da 'XVII Marcha ciclista Camiño do Requesón', nas Neves (O Condado). Antes da saída da proba en que participaron perto dun milleiro de participantes, a primeira do calendario de bicicleta de montaña no noso país, o alcalde do municipio, Emilio Castro Rodríguez, facía entrega dunha placa aos integrantes da equipa profesional, que recolleu Ezequiel Mosquera.
A partir deste luns e até a vindeira quinta feira, o combinado permanecerá concentrado en Mondariz Balneario. Parte dos corredores regresarán posteriormente á casa e outra desprazarase á Arxentina para iniciar a cuarta temporada consecutiva do XGZ no pelotón internacional, disputando o Tour de San Luis, logo de que a UCI confirmou este venres a renovación da súa licenza internacional.
Novas relacionadas
- Unha débeda de Karpin obriga a reducir o orzamento da Fundación Ciclismo
- O Xacobeo Galicia amósase optimista no seu recoñecemento profesional
- As burocracias obstaculizan a presenza do Xacobeo no pelotón profesional
- O XGZ ficha o subcampión do mundo sub23 de cronometrado
- A quinta praza de Ezequiel Mosquera na Vuelta pode meter o XGZ no Giro
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto