Vieiros

Os prezos baixaron en Galiza un 1,6 por cento no mes de xaneiro, o que sitúa o Índice de Prezos ao Consumo (IPC) interanual no 0,5 por cento, segundo datos do Instituto Nacional de Estatística (INE). O descenso foi meirande ca no Estado Español, onde o descenso dos prezos no mes pasado foi do 1,2 por cento e o aumento interanual do 0,8.

Porén, se os prezos non baixaron no país máis foi polos datos da demarcación da Coruña, onde o IPC interanual quedou no 1 por cento, fronte ao 0,3 de Ourense, o 0,1 de Lugo ou o 0 de Pontevedra, onde, segundo o INE, os prezos son os mesmos ca hai un ano.