Edición xeral
Franco marcha do colexio de Beariz, mais fica Carrero Blanco
Segundo publica o DOG, o ditador español non lle seguirá dando nome ao centro educativo, situado na avenida que leva o nome do xeneral fascista.
O alcalde, Manuel Prado
O Diario Oficial de Galicia (DOG) publica esta cuarta feira unha orde da Consellaría de Educación, do pasado 14 de novembro, pola que se autoriza o cambio de denominación do colexio de educación infantil e primaria CEIP Francisco Franco de Beariz (O Carballiño), polo de CEIP de Beariz.
A disposición, a proposta da Dirección Xeral de Ordenación e Innovación Educativa, responde ao disposto no Regulamento das escolas de educación infantil e dos colexios de educación primaria, aprobado en 1996, e aos diversos informes do departamento.
O que non muda é o enderezo do CEIP de Beariz, situado na Avenida Carrero Blanco. O PPdeG goberna este concello cunha 'ampla' maioría: os populares teñen o 100% dos edís (9), non hai ningún representante de ningunha outra formación. Nas eleccións municipais conseguiron o 89,19% dos votos (767). O BNG, o 8,95% (77) e 13 persoas (1,51%) votaron polo PSdeG.
Novas relacionadas
- Só un colexio mudou o seu nome franquista
- O franquismo segoulle a vida en Galiza a 3.588 persoas entre 1936 e 1939
- Sanidade ha mudar, á fin, o nome do Juan Canalejo
- Persoeiros da ditadura seguen a darlle nome a diferentes colexios públicos do país
- O Partido Popular gobernará en máis da metade dos concellos do país
- O voto emigrante determinará a alcaldía en máis de 50 municipios
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto