Vieiros

O xulgado do Mercantil Número 1 da Coruña declarou en situación de concurso voluntario de acredores o grupo inmobiliario Martinsa-Fadesa e nomeou tres administradores concursais.

Segundo o auto do xulgado, o grupo inmobiliario conservará as facultades de administración e disposición do seu patrimonio, pero estas quedarán sometidas "á intervención dos administradores concursais, mediante a súa autorización ou conformidade".

A entidade financeira Bankinter, como acredor, exercerá un dos administradores concursais, xunto coa avogada Antonia Magdaleno. O terceiro será nomeado pola Comisión Nacional do Mercado de Valores (CNMV) entre o seu persoal técnico.