Edición xeral
Cultura prepara a declaración como BIC de 48 sitios megalíticos
O proceso, que busca garantir a súa protección e posta en valor, é "moi longo", di Patrimonio, mais podería estar case resolto "no último semestre de 2009".
Co fin de protexer e pór en valor os principais restos megalíticos do noso país, a Consellaría de Cultura iniciou o proceso de estudo e delimitación de 48 depósitos para podelos declarar como Ben de Interese Cultural (BIC).
O proxecto inclúe os principais sepulcros megalíticos, dolmens e cistas, illadas ou formando necrópole, así como menhires. O obxectivo é garantir a súa conservación e a súa divulgación de cara ao público, segundo anunciou esta cuarta feira a conselleira de Cultura, Ánxela Bugallo.
Pola súa banda, o director xeral de Patrimonio Cultural, Felipe Arias, recordou que o proceso de declaración de BIC é "moi longo". No entanto, estimou que "no último semestre de 2009" contarán coa incoación ou coa declaración dun número importante destes depósitos.
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto