Vieiros

Coa declaración de todas as mámoas dp país como Ben de Interese Cultural incrementarase o grao de protección que ofrece a lexislación sobre as estes ben, reducindo os riscos de ataques. Actualmente só figuran con esta clasificación os dolmens de Axeitos e de Dombate e o conxunto de mámoas de Santa Mariña.

Quince destes monumentos megalíticos formarán o Parque Arqueolóxico da Costa da Morte, con monumentos en Vimianzo, Zas, Laxe, Mazaricos, Malpica e Carballo, e no que destaca o Dolmen de Dombate, principal valor do parque. Así pois, ao longo de 2008 a Consellaría de Cultura adquirirá as mámoas de Pedra da Arca ou Casa dos Mouros (Baíñas, Vimianzo), Pedra da Lebre ou Serramo (Serramo, Vimianzo), Pedra Moura de Monte Carneo (Treos, Vimianzo), Pedra Cuberta (Treos, Vimianzo), A Mina de Recesinde (Carantoña, Vimianzo), Arquiña de Vilaseco (Castrelo, Vimianzo), A Casota de Berdoias (Berdoias, Vimianzo), a necrópole de Chan do Cabral (Baíñas, Vimianzo), Arca da Piosa (Muíño, Zas), Pedra Vixía (Lamas, Zas), Fornella dos Mouros (Nande, Laxe), A Mina da Parxubeira (Eirón, Mazaricos), Pedra da Arca (Cerqueda, Malpica), e Pedra Moura (Aldeamunde, Carballo).

Cinco parques de patrimonio arqueolóxico
O Parque do Megalitismo formará parte da Rede Galega do Patrimonio Arqueolóxico, un ambicioso programa para poñer en valor o patrimonio cultural de natureza arqueolóxica impulsando, simultaneamente, a súa conservación e a súa promoción social e económica. A rede estará formada por cinco centros de referencia: o Parque Arqueolóxico da Cultura Castrexa situarase en San Cibrao de Lás; o Centro de Interpretación da Arte Rupestre de Campo Lameiro; o Centro de Interpretación e Museo da Romanización, en Lugo; e o dedicado ao patrimonio arqueolóxico subacuático, situado no Museo do Mar.