Vieiros

Máis de vinte embarcación de mariscadores da comarca de Ferrol lograron bloquear a ría e impedir a entrada do gaseiro alxeriano 'Mourad Didouche', o segundo dos buques que intenta acceder á polémica planta de Reganosa.

Aínda que a delegación do goberno español enviou numerosos efectivos da Garda Civil do mar para apoiar a entrada do metaneiro, os manifestantes lograron impedir a manobra.

O Comité Cidadán de Emerxencia sinalou que van continuar defendendo a ría. Neste sentido subliñan que nin as sancións nin as actuacións policiais van variar os seus plans.