Vieiros

As Farc consideran fóra de lugar a exixencia de liberación de Ingrid Betancourt

Rodrigo Granda, un dos responsábeis das Farc de Relacións Exteriores, cualificou onte xoves de "inadmisíbel" a solicitude de liberación da ex candidata presidencial colombo-francesa Ingrid Betancourt, como novo xesto unilateral que o Goberno colombiano condiciona para liberar guerrilleiros e iniciar un eventual troco humanitario.
"Non é admisíbel que nos pidan máis xestos de paz, cando despois de tantas mostras da nosa vontade política por atopar saídas ao conflito, responden con infamias", declarou Granda nunha carta escrita xunto ao comandante guerrilleiro Jesús Santrich publicada pola Agencia de Noticias Nueva Colombia (Anncol).