Vieiros

Ao igual que o Estado Español, a semana pasada Portugal anunciou importantes medidas para reducir drasticamente o gasto público. O socialista José Sócrates contou coa axuda do principal partido da oposición (centro-dereita) pero tivo o rexeitamento radical da esquerda parlamentaria (PCP e Bloco de Esquerdas) e da formación máis conservadora (CDS-PP).

Na prensa portuguesa moitos artigos xiraron nos últimos días arredor da pouca marxe de manobra que ten o país para deseñar políticas económicas dentro dun contexto como é o da Unión Europea.

Porén, as palabras máis contundentes veñen do dirixente comunista Jerónimo da Sousa. Nunha entrevista no diario Público defende abertamente a idea de que “corremos o risco, tendo en conta a chantaxe e a situación financieira na que nos atopamos, de nos transformar nun mero protectorado de Bruxelas”. A polémica está servida.