Vieiros

Este venres ás 15 horas ábrese a operación especial de tráfico por mor da ponte de decembro. A Dirección Xeral de Tráfico (DGT) prevé case medio millón de desprazamentos polas estradas do país até as 24 horas do martes 8 de decembro.

Segundo informou a DGT, as vías máis afectadas polo tráfico serán a autoestrada AP-9, as autovías A-6, A-52 e A-55, e as estradas N-550 e N-634. Aconsella comprobar o estado do automóbil antes de iniciar os desprazamentos e tomar medidas oportunas relativas á condución, extremando as precaucións se se dan condicións meteorolóxicas adversas.