Vieiros

O pasado xoves presentou en Barcelona a plataforma IRI, que xorde coa intención de axudarlle ás empresas a incluír galego, catalán e éuscaro dentro das súas políticas de comunicación. Basean a súa actividade en leis que garanten o uso das diferentes linguas oficiais nas relacións socioeconómicas no Estado Español.

Diagnósticos lingüísticos, plans de promoción, formación, tradución, asesoramento lingüístico, xestión de subvencións, e consultoría, son os principais servizos que lles ofrecen ás empresas que traballan a nivel estatal e queren atender ademais de en castelán, en catalán, en galego e en éuscaro. Ademais de galego, catalán e éuscaro, ofrecerán tamén os seus servizos en asturiano-bable e aragonés.

O acto de presentación será o xoves en Barcelona, na Casa Vasca situada na Placeta Montcada, ao mediodía. Despois comezará un faladoiro no que participarán en representación das tres empresas promotoras Antón Lado (Reverso), Toni Martínez (I-més) e Patxi Alaña (Iberba).