Vieiros

Citroën, o corazón económico de Vigo, comeza a dar síntomas preocupantes. Os executivos da planta viguesa comunicáronlle este xoves ao comité de empresa que en 2009 está prevista unha redución na produción debido á caida das vendas de coches. A proposta da empresa é a de non renovarlle contrato a 900 operarios temporais e pechar a quenda de noite a partir do mes de abril.

Pero a crise pode ameazar a medio prazo a outros 1.100 traballadores máis, xa que a empresa francesa considera que non hai carga de suficiente para eles. Porén, Citroën mostrouse en principio disposta a manter estes traballadores. A solución para os 1.100 traballadores restantes pode ser a de ralentizar as cadencias de produción, de xeito que teñan a posibilidade de desenvolver outras actividades.