Vieiros

Fran Gómez Pallas e Xosé López Rivas continúan a súa participación no rally Dakar, e isto é o mellor que se pode dicir antes de que remate unha quinta etapa na que se están producindo multitude de abandonos. Nesta etapa, de 476 quilómetros, uniranse as vilas arxentinas de Neuquén e San Rafael.

Ao comezo da mesma Pallas ocupaba a 55ª posición dos 171 corredores que tomaron a saída na categoría de motos, a 32 minutos do catalán Marc Coma, que comezaba o día como líder. Na categoría de coches, López Rivas partía clasificado na 143ª posición, a algo máis de dúas horas do líder, o madrileño Carlos Sainz.

Os moitos abandonos poderían beneficiar aos pilotos galegos que, de manterse en carreira, mellorarían a súa clasificación.