Vieiros

A última edición do barómetro elaborado polo Ministerio de Sanidade amosa que Galiza é unha das comunidades autónomas que máis se opón á que se prohiba o consumo de alcol a menores, só por detrás de Euskadi e de Aragón. Porén, a nota media que lle dan os enquisados galegos á medida supera lixeiramente o 8 sobre 10.

A puntuación máis baixa é a que lle conceden os vascos, de 7,01, fronte ao 8 dos aragoneses e o 8,06 dos galegos, mentres que a media estatal está en 8,33. Con respecto ás outras preguntas formuladas, que se refiren ás medidas que se deben levar a cabo para cumprir a norma, a xente enquisada no país dálle un 8,71 ás sancións aos estabelecementos que lles vendan alcol a menores, un 8,23 á vixilancia de lugares públicos, un 8,16 a limitar a publicidade de alcol e só un 6,8 a sancionar os propios menores que consuman esa substancia.