Óscar Pereiro abandona o Tour de Francia logo de sufrir unha caída grave
O campión da rolda gala en 2006 caeu por un barranco cando descendía o Col de Agnel, mais non perdeu a consciencia en ningún momento.
O ciclista galego do Caisse d'Epangne e gañador do Tour de Francia en 2006, Óscar Pereiro, viuse na obriga de se retirar da rolda gala logo de sufrir unha caída grave. Durante a disputa da décimo quinta etapa, o de Mos caeu por un barranco cando descendía do Col de Agnel, nos Alpes, debido a chuvia que caeu sobre a estrada.
Pereiro non perdeu a consciencia en ningún momento e sofre, segundo confirmou o director do Tour, Christian Prudhomme, unha fractura de ombreiro. Logo de ser atendido polo médico da carreira foi evacuado en ambulancia. O galego, gañador do Tour 2006, era o décimo quinto da clasificación xeral a seis minutos e un segundo do líder Cadel Evans (Silence Lotto).
Por outra banda, o ciclista australiano Simon Gerrans (Credit Agricole) logrou o triunfo de etapa. Franck Schleck (CSC) arrebatoulle o liderado a Evans.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto