Vieiros

A ONU acusou a xunta militar de Birmania de non ter advertido a poboación sobre o perigo que ía supoñer a chegada do ciclón Nagis e volveu alertar da grave situación que se está a producir no país.

Os centos de miles de persoas que perderon os seus fogares e a escaseza de auga e de comida poderían desembocar na extensión de epidemias polo país asiático. As últimas estimacións oficiais ofrecidas pola televisión birmana xa elevan o número de vítimas mortais do ciclón a 22.500 e 41.000 persoas desaparecidas.

Con eses datos, o Nargis sería o ciclón máis devastador dos que afectaron a Asia dende o de 1991, que provocara 143.000 mortes en Bangladesh. Entre tanto, están a xurdir voces críticas entre a poboación contra a actitude da xunta militar de Birmania, que non enviou soldados ás zonas afectadas cando pasou o temporal.