Vieiros

A madrugada do mércores ao xoves, a Armada dos Estados Unidos lanzou un mísil contra o satélite espía US 193, que estaba a perder altura e acabaría impactando coa Terra. O dispositivo, que deixara de funcionar pouco despois da súa posta en órbita, en decembro de 2006, contiña un combustíbel moi tóxico.

Fontes do exército estadounidense confirmaron que o lanzamento se produciu dende un barco de guerra Lake Erie, situado no Pacífico Norte, e que o satélite foi interceptado con éxito. O custo da operación foi de 60 millóns de dólares. Agora, os restos do aparello sumaranse aos miles de fragmentos de lixo espacial que xiran arredor do planeta.