Vieiros

Despois de moitos meses insistindo na reclamación do pagamento das indemnizacións, debido á imposición do cesamento da actividade pesqueira na zona polas obras do porto exterior coruñés, os ánimos do sector chegan a este Nadal nunha mestura de decepción e indignación.

O atraso nas negociacións para a resolución do conflito motivou a volta ás mobilizacións, e ducias de traballadores do mar botáronse á rúa este mércores na Coruña, para insistiren nas súas reivindicacións. Despois de cortar o tráfico por espazo de hora e media, mariscadores e mariñeiros víronse sorprendidos pola chegada de dúas ducias de policías que disolveron a paus a concentración, nunha acción cualificada pola CIG de "excesiva" e "violenta".