Vieiros

O Dalai Lama anunciou que convocará un referendo antes de morrer para que os habitantes do Tíbet poidan elixir ao próximo líder budista.

"Se a xente sente que a institución do Dalai Lama segue a ser necesaria, seguirá vixente", dixo á prensa na cidade india de Amritsar, onde se desenvolve unha reunión de líderes relixiosos de todo o mundo.

"Cando o meu estado psíquico torne feble, entón as preparacións serias (dun referendo) deberán ocorrer", engadiu. Neste senso, sinalou que na votación estarán incluídos todos aqueles que estean interesados no budismo tibetano ao longo da liña do Himalaia e tamén en Mongolia.

Esta situación vén provocada polas presións de China, que hai pouco dixo que é Pequín quen debe ratificar todas as designacións de lama. Os tibetanos temen que cando morra o Dalai actual, de 72 anos, o Goberno central designe pola forza un líder pro-chinés.