Vieiros

Enxeñeiros informáticos ou de telecomunicacións, que apostan pola internacionalización e cunha idade ao redor dos trinta anos. Este é o perfil dos emprendedores que forman AGASOL, a nova Asociación de Empresas Galegas de Software Libre.

Duplicar socios
Polo de agora, AGASOL está formada por catorce empresas Aitire, Allenta, Bora Telecom, Igalia, Imagos, Inforede, Iria Flavia, Pexego, Redegal, SCA Informática, Signo, Tegnix, Ultreia Comunicaciones e Wirelless Galicia. O seu primeiro presidente e Javier Vázquez, socio de Igalia, unha das empresas líderes do sector en Galicia. De aquí a final de ano, AGASOL conta con duplicar o seu número de socios.

Apoio de Industria
O colectivo nace coa intención de fomentar a implantación de estándares abertos en administracións e empresas. Para logralo di ter o apoio da Consellería de Innovación e Industria da Xunta de Galicia, responsábel da política de novas tecnoloxías do Goberno Galego.

AGASOL recorda que o PEGSI, o plano de novas tecnoloxías da Xunta, asume que é "irrenunciable a adopción por parte das administracións públicas de sistemas informáticos baseados en estándares abertos".