Vieiros

Un estudo sobre a viabilidade de aproveitar a graxa de peixe residual da industria conserveira para a produción de biodiésel. O traballo estao a elaborar o Centro Tecnolóxico de Conservación de Produtos da Pesca, de Anfaco-Copesca e está financiado con 111.119 euros pola Consellaría de Innovación e Industria até 2008.

Nun comunicado, os investigadores do proxecto explican que o biodiésel, alternativa sustentábel ao combustíbel fósil, pódese obter da graxa animal a través dun proceso de «transesterificación alcohólica», aínda que até o momento só se puido obter de lípidos vexetais.

Segundo a investigadora Ana Belén Torres, o proceso permitiralles ás empresas de transformación de peixe ter distintas alternativas de aproveitamento dos residuos. Deste xeito, abriríase unha nova vía de produción de biocarburantes.