Vieiros

Poucos días antes de que os gobernos de Arxentina e Uruguai volvan sentar na mesa de negociacións para tratar de atoparlle solución ao conflito que manteñen nos últimos anos, os activistas do lado arxentino da fronteira aceleran as súas mobilizacións.
 
O bloqueo terá un impacto económico especialmente forte nesta época, freando o intercambio turístico entre os dous países, especialmente o fluxo de arxentinos cara a Uruguai, alén de de impedir o transporte de mercadorías. A fronteira quedou pechada a última hora do domingo, co consentemento tácito da administración arxentina, que apoia as accións de veciños e ecoloxistas.
 
Mentres, en Frai Bentos, no lado uruguaio da fronteira, segue a construción da papeleira de Botnia, con data marcada para o comezo da produción para o próximo mes de setembro.