Vieiros

A Xunta estudará nos vindeiros meses se é preciso un incremento no Imposto de Contaminación Atmosférica (ICA). Esta taxa, que está vixente dende 1995, grava as emisións de dióxido de xofre e nitróxeno. A directora xeral de Tributos, Rexina Losada, dixo non descartar esta medida para 2008 logo dunha pregunta parlamentaria de María Xosé Veiga, do BNG.

Rexina Losada coida que a lei está a cumprir unha función disuasoria. Lembrou que, antes de que se crease este imposto, a emisións de dióxido de xofre e nitróxeno en Galiza representaban a terceira parte do total do Estado.