Vieiros

1/09/07

Gzvideos/crónica

A presença das forças policiais era abrumadora, pesia o qual o protesto transcorreu sem incidências notáveis, se exceptuamos os apupos dum espanhol que se atopava nas imediaçons. Na faixa exibida podí­a-se ler a frase "This is not Spain. Freedom for Galiza" , um lema encaminhado a denunciar meiaticamente a dependência colonial do nosso paí­s. A campanha fora encetada em días anteriores com a colagem em Vigo de cartaces e auto-colantes cos lemas "Stop Vuelta", "Por um desporto popular e de base", "Carril-bici em Vigo" e mais com o pintado de estradas.

Mais do mesmo

Perto de milhom e meio de Euros investidos pela Junta da Galiza, através da Conselharí­a de Cultura e Desporto: essa é a cifra adicada à promoçom e posta em marcha das tres etapas que discorreram polo nosso país. Mais umha vez, as Instituçons galegas servem para afortalar a conciência nacional e o projecto unitarista espanhol, fazendo-lhe um fraco favor a Galiza.De novo outro escándalo a sumar ao derroche da Cidade da Cultura e ao plus vitalí­cio de 15.000 euros que embolsarám os polí­tico-funcionários, os cais vam artelhando umha polí­tica continui­sta com a do Partido Popular.

 Lembremos também o desembolso milhonário da administraçom Fraga a eventos como a "Volvo Ocean Race", que supugeram duras crí­ticas por parte da entom oposiçom, hoje cautiva de prácticas igualmente negativas para o desenvolvimento nacional, desta vez agochando umha propaganda populista lamentável.A posta em marcha de selecçons desportivas nacionais constituiu um logro simbólico, mas parcial, ao nom poder participar mais que encontros amigábeis, desterradas de competiçons oficiais.

O pulo que se lhe pretende dar ao ciclismo galego passou inadmisí­velmente pela financiaçom e apoio a umha empresa privada, "Karpin Galicia S.L.", quando existem notábeis deficiências no desporto de base e nas infraestruturas mais básicas para a práctica do ciclismo.Cómpre também indicar que parte do percorrido da Vuelta polo tramo urbano da cidade olí­vica atopáva-se cuberto por publicidade do Ejército Espanhol , nomeadamente da web "Soldados.com". O cinismo governamental chegou ao ponto de agasalhar aos presentes com bandeirinhas galegas, amosando umha imagem patética e esquizofreníaca da nossa realidade nacional.

A exibiçom de faixas reivindicativas em voltas ciclistas tem numerosos antecendentes, dos que podemos salientar acçons vindicativas em Iparralde durante o Tour de France ou em Euskadi em anos nos que o trajecto da Vuelta passou por lá.Aguardemos que acçons coma esta ajuden ao povo galego a tomar conciência de sí­ propio, das súas potencialidades como naçom e da necessidade da crí­tica a umha "clase" polí­tica que nom é digna do paí­s no que vive.

O link do video da acçom de protesto é o seguinte: http://gzvideos.blip.tv/file/361713/