Vieiros

A homenaxe A Escritora na súa Terra, impulsada pola Asociación de Escritores en Lingua Galega, chega este ano a súa XVI edición. Por decisión unánime da súa asemblea de socios e socias, recaeu na figura de Marilar Aleixandre, que será homenaxeada este sábado en Compostela.

Esta iniciativa anual conforma xa unha tradición na traxectoria da AELG. A terra de orixe do homenaxeado cobra un protagonismo fundamental nesta cita cultural, cunha celebración múltiple e popular onde se recoñece a entidade literaria de insignes figuras das nosas letras

Durante o día organízanse diversos actos simbólicos: a entrega do galardón Letra E de escritor (unha peza escultórica asinada por un recoñecido artista galego), a plantación dunha árbore simbólica (elixida polo propio autor, e que neste caso é un abruñeiro), a colocación dun monolito conmemorativo ou a inauguración dun espazo público co nome do homenaxeado ou cun nome elixido polo homenaxeado.


Programa de actos

Sábado, 5 de xuño de 2010
11.45 horas
Parque Avda. de Barcelona
Santiago de Compostela
Plantación dun abruñeiro (árbore simbólica da escritora) e descubrimento do Monólito conmemorativo.
Descubrimento da placa que atribúe o nome da homenaxeada ao parque.
Interveñen:
Cesáreo Sánchez Iglesias, presidente da AELG
Mercedes Queixas, secretaria xeral da AELG
Xosé Sánchez Bugallo, alcalde de Santiago de Compostela
Marilar Aleixandre

13.00 horas
Salón Nobre do Pazo de Raxoi
Santiago de Compostela
Acto de entrega da “Letra E”
Interveñen:
Mercedes Queixas, secretaria xeral da AELG
Cesáreo Sánchez Iglesias, presidente da AELG
Ana Romaní: Laudatio
Entrega da peza escultórica do artista Silverio Rivas
Intervención da homenaxeada: Marilar Aleixandre

14.30 horas
Hotel-Restaurante “Palacio del Carmen”
Rúa das Oblatas s/n, Santiago de Compostela
Xantar de confraternidade aberto aos/ás socios/as da AELG, á veciñanza de Santiago de Compostela e demais persoas interesadas.


Anteriores galardoados
 
I Edición . 1995 . Boa, Taramancos
Antón Avilés de Taramancos
II Edición . 1996 . Cangas do Morrazo
Benardino Graña
III Edición . 1997 . Outeiro de Rei
Manuel María
IV Edición . 1998 . Vigo
María Xosé Queizán
V Edición . 1999 . Gres, Vila de Cruces
Xosé Neira Vilas
VI Edición . 2000 . Parada do Courel
Uxío Novoneyra (póstumo)
VII Edición . 2001 . Ribadeo
Luz Pozo Garza
VIII Edición . 2002 . Vilalba
Xosé Chao Rego
IX Edición . 2003 . Nogueira de Ramuín
Xosé Fernández Ferreiro
X Edición . 2004 . Teis, Vigo
Salvador García-Bodaño
XI Edición . 2005 . Ourense
Pura e Dora Vázquez
XII Edición . 2006 . Vigo
María do Carme Kruckenberg
XIII Edición . 2007 . O Valadouro
Manuel Lourenzo
XIV Edición. 2008 . Melide
Xosé Vázquez Pintor
XV Edición. 2009 . Vilalba
Agustín Fernández Paz