Vieiros

'Aparto as ruínas e preséntome
como a escultura que se deixou morder de ferruxe
como o pexegueiro que aceptou a arañeira entre as pólas
Eu tamén me perdín ao desandar
o vieiro de frangullas imsomnes
-un remake de Hansel e Gretel-'

Alba Cid (Ourense, 1989) é a poeta máis nova de todas as Voces en Movemento do Especial das Letras 2010 de Vieiros. Vizosa, a súa poesía achéganos a clave para non perdérmonos, para -coma ela- deixarnos facer polo idioma, en canto queira empregar as súas artes con nós. Estudante de terceiro de Filoloxía Galega, Alba xa conta no seu currículo poético con premios como o Ánxel Casal, o Rosalía de Castro de Cornellá ou o Galiza Crea, entre outros. Preséntanos, en homenaxe a Uxío Novoneyra, tres composicións publicadas nos diferentes poemarios que viron a luz grazas aos galardóns recibidos: Versomancia, O tempo das Aciñeiras e Visaboa.


Podes volver ler aquí os Especiais das Letras dos últimos anos:

• No 2009: Ramón Piñeiro. Día das Letras 2009

• No 2008: Álvarez Blázquez. Unha luzada de estrelas

• Especiais do Día das Letras dende o ano 1996 e ate o 2007