Edición xeral
Vitoria en Colombia para a coalición de Uribe
Á espera dos resultados definitivos, o Partido de La U, do presidente Álvaro Uribe, e o seu aliado o Partido Conservador, terían maioría nas dúas cámaras.
Un total de 102 senadores e 166 congresistas se elixían esta fin de semana en Colombia, onde a coalición que mantén a Álvaro Uribe no poder xa contaba cunha ampla maioría no Senado (68 escanos) e no Congreso (107 deputados).
E á luz dos primeiros datos que se coñecen, a correlación de forzas manteríase favorábel a Uribe, xa que o seu partido tería perto do 25% dos votos e atrás del a formación máis votada sería a súa aliada Partido Conservador, tamén con máis do 20% do total de apoios.
A outra incógnita desta xornada por resolver son as eleccións primarias no Partido Conservador para decidir a candidatura aos próximos comicios presidenciais. Felipe Arias saía como favorito diante da ex ministra de Defensa Noemí Sanín. A formación uribista xa definiu a Juan Manuel Santos como candidato a relevar o actual presidente no poder.
- Poden ampliar información nos xornais colombianos El Tiempo e El Espectador.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto