Vieiros

A Xunta deulle o visto bo á creación do Consello de Acción Exterior (CAEX) que se encargará de a asesorar, aínda que con carácter non vinculante, no deseño das "estratexias, plans e programas" que "reforcen a imaxe de Galiza no mundo".

O CAEX contará coa presidencia de honra de Alberto Nuñez Feijoo, xefe do Executivo, mentres que o seu presidente será o conselleiro de Presidencia, Afonso Rueda, e o seu vicepresidente, o director xeral de Relacións Exteriores, Xesús Gamallo.

A misión deste órgano será a de "detectar as necesidades" da acción exterior de Galiza, así como os seus "obstáculos e oportunidades"; fomentar a "interacción entre o sector público, a empresa privada e a sociedade civil"; e "xerar ideas" para desenvolver a estratexia coa que o noso país se ha proxectar no mundo.