Vieiros

O goberno mexicano estableceu nas últimas horas o máximo estado de alerta sanitaria debido a unha desconcertante epidemia de gripe porcina que está a afectar a humanos e que tería xa causado máis de sesenta mortes. O brote, descoñecido para os científicos, podería ser unha mutación do virus porcino combinada coa gripe humana e aviaria.

A alarma é de tal magnitude que o executivo de Calderón decidiu pechar provisionalmente as escolas, os museos e cines da capital do país. O goberno tamén recomenda evitar os lugares moi concurridos xa que se considera probado que existe contaxio entre persoas.

EUA e Guatemala aumentaron os controis nas súas fronteiras polo temor ao brote. En Estados Unidos xa se diagnosticaron algúns casos de persoas afectadas. A OMS ten previsto convocar esta mesma fin de semana un comité de expertos que valoren a situación.

• Poden ampliar información en: Diario de México, El Universal, Reforma e La Jornada.