Vieiros

"O meu país normal é un país canto máis culto mellor. Penso que é mellor ter un fillo varredor culto que un fillo acomodado pero pouco interesado pola formación e pola cultura. Porque a cultura e o coñecemento outorgan liberdade", expresou Alberto Núñez Feijoo durante a súa visita á redacción de Vieiros ás portas da última campaña electoral.

O país normal de Núñez Feijoo, asegurou, tamén é aquel onde exista "unha sociedade civil importante", na convicción de que na historia recente "Galiza probablemente ten un déficit de sociedade civil, que é moi influenciábel polo poder, polo poder da Xunta que moitas veces non deixa emerxer a sociedade civil".