Vieiros

O secretario de organización de Ezker Batua, Serafín Llamas, compareceu este mércores en Bilbao para anunciar aos medios que tanto el como o coordinador xeral do partido, Javier Madrazo, supeditan o seu futuro dentro da organización ao que decida ao respecto a dirección da mesma. Os dous dirixentes políticos transmitirán persoalmente a decisión á presidencia de EB, na reunión do vindeiro luns, e farán o propio o venres 13 ante o máximo organismo de decisión do partido: o Consello Político.

Llamas dixo que tanto el como Madrazo asumen "todas as nosas responsabilidades tanto no desenvolvemento das eleccións como, loxicamente, nos seus resultados". Estas reaccións débense á caída de EB nos comicios do pasado domingo, xa que perdeu case o 40% dos seus votos con relación aos do 2005, baixando de tres a un só deputado no Parlamento Vasco.