Vieiros

O servizo de correo electrónico de Google, Gmail, sufriu este martes unha caída do sistema que deixou millóns de persoas de todo o mundo sen a posibilidade de consultar as súas mensaxes. Segundo informa dende a súa páxina de axuda, o problema comezou arredor das 10:30 (hora galega), polo que Gmail xa se desculpou polas molestias que poida causar este fallo.

Google non ofreceu información sobre a causa deste problema, que está a desvelar a dependencia que moitos usuarios teñen dos seus servizos. Xa non é a primeira vez que acontece algo semellante. O 31 de xaneiro, un fallo humano provocou que todos os resultados das buscas de Google aparecesen como webs maliciosas.