Vieiros

Os líderes europeos reúnense este domingo en Berlín na procura dun enfoque consensuado para deter a crise financieira. Búscase unha posición común para acudir á cimeira do G20 que se celebrará en Londres en Abril. Porén, Alemaña e Francia propoñen solucións ben distintas: Merkel quere abrir e liberalizar aínda máis os mercados e as relacións laborais, mentres que Sarkozy avoga por medidas proteccionistas para frear a crise e reaxir a produción e o consumo. O presidente farncés volveu repetir en Berlín que "o capitalismo necesita ser refundado". Porén, a propia Comisión Europea e a súa presidencia semestral, en mans checas, apostan por medidas liberalizadoras, e advertiron a Francia, Italia e España polas medidas adoptadas para apoiar a industria do automóbil.

O encontro consistirá nunha primeira sesión na que participarán os presidentes cos seus ministros de Economía e nun almorzo de traballo dos xefes de Estado e de Goberno en solitario. A súa conclusión agárdase para as 14:45 horas. Angela Merkel xa recibiu esta mañá ao presidente español, Rodríguez Zapatero e a Pedro Solbes.