Vieiros

"Racismo" foi un dos reproches que se escoitou este luns nos asentos árabes do Parlamento israelí durante o debate da iniciativa de tres formacións políticas ultranacionalistas do ámbito xudeu. A proposta pedía a prohibición da participación nos vindeiros comicios para os dous partidos árabes que na anterior cita coas urnas apañaron sete escanos.

É coñecida a belixerancia de formacións estremistas como Unión Nacional ou Israel Nosa Casa cara aos árabes, aos que, malia integraren a quinta parte da poboación do país, teñen solicitado que sexan directamente expulsados de Israel acusándoos de seren un "perigo" para o Estado. A diferencia doutras ocasións nas que presentaran idéntica solicitude, desta volta as formacións máis extremistas contaron co apoio a esta proposta do resto de partidos.

Recomendámoslles o editorial do xornal israelí Haaretz, baixo o título Non deixen fóra as listas árabes