Vieiros

"Ofrécense dous puntos de vista sobre a crise económica: o das portadas da prensa e o dos cidadáns, recollendo declaracións onde se fala de falta de previsión, inflación, falta de confianza, veracidade ou poder adquisitivo", explicaba esta semana o vicesecretario de Comunicación do PP, Esteban González Pons, sobre o vídeo premiado, "todas estas cousas son palabras que antes non aparecían nas conversacións nos mercados ou bares e que agora son cada vez máis habituais", insistiu Pons.

A micropeza, titulada A voz da rúa, foi enviada por Gregorio Andión, na rede poden ver a súa traxectoria no PP pontevedrés, e recolle comentarios de veciños da cidade. Andión gañou así o concurso de vídeos "Come con Rajoy", e será obsequiado cun xantar a conta do seu partido e á beira de Mariano Rajoy.