Vieiros

Unha bitácora de antigüidades e arqueoloxía era a primeira entrada que até hai pouco lles podía aparecer logo de introducir nun motor de busca a combinación "familia real portuguesa". Aló contábannos da poxa aberta sobre un conxunto de pezas históricas da época do "Brasil Imperial", coincidindo co aniversario da chegada da familia real portuguesa a Brasil.

Agora, a chamada Casa Real Portuguesa abre espazo de seu na rede. Case un século despois da introdución da República en Portugal, os membros da familia da Casa de Bragança que reivindican o trono e a denominación "real", expoñen entre outros a argumentación pola cal Dom Duarte Nuno afirma ser o herdeiro do último rei de Portugal, Dom Manuel II, quen morreu no exilio en 1932.

"Nestes dominios as Monarquías da Europa e do Mundo teñen dado probas de eficacia a través de unha proximidade cos pobos, enriquecendo as democracias contemporáneas, no respecto pola dimensión onde se inscribe a existencia humana (...) Penso que Portugal, tamén se beneficiaría desta vantaxe e este espazo tamén abordará estas problemáticas, ben como outras que me queiran facer chegar", asina Duarte.