Vieiros

Os homes adestrados por Tomás de Dios reciben a un club histórico da División de Honra, como é o Playas de Castellón. Agárdase un encontro intenso e igualado entre dous equipos que se atopan empatados con 10 puntos na clasificación. Será o primeiro partido que o Lobelle xogua no Sar, despois de que a liga se parara por mor do mundial. Tratarán de manter a súa racha na casa, onde contan por vitorias os tres partidos xogados até o momento.

O Lobelle tratará de redimirse ante a súa afección da derrota sufrida a pasada fin de semana ante o Peinasa Cartagena. Os de Castellón, pola súa parte, veñen de impoñerse no partido anterior ao Carinecer Torrejón.

Para a procura da vitoria, o adestrador dos compostelás poderá contar con Luís e Eka, que non puideron estar no último partido de Cartagena.