Vieiros

Estes Solid State Drive (SSD) aseméllanse ás memorias flash, incluíndo unha memoria non volátil (os datos quedan gravados) ou unha memoria volátil (os datos pasan a outra unidade).

Na actualidade, o seu maior uso está nos novos ultraportátiles, de cara a substituír os discos duros convencionais, que debido ao seu tamaño cada vez máis pequeno e a súa gran capacidade, xeran moita calor na súa superficie durante a transferencia de datos, o cal supón unha merma na duración da batería e no funcionamento xeral do equipo portátil.

Así, as principais vantaxes dos SSD están o arranque máis rápido e un menor tempo de acceso aos datos (que repercute nun menor uso de enerxía). Ademais, prodúcese menos calor, ao non ter partes móbiles na estructura, o que significa unha maior duración da batería. Amais, son máis silenciosos e aguantan mellor as vibracións.

Pero non todo son vantaxes, os SSD tamén teñen os seus inconvenientes. En primeiro lugar, o seu alto prezo. Pero ademais, o seu ciclo de vida é máis curto que o dos discos duros convencionais, o que incrementa máis, se cabe, o seu custo.

No que fai ao funcionamento, cos dispositivos SSD o maior problema está na posibilidade de perda de datos, xa que á hora de recuperar arquivos, os datos de discos duros de partes mecánicas poden ser recuperados se falla esa parte mecánica, porén nas unidades de disco sólido, se unha cela é danada, os datos son destruídos e non hai posibilidade de recuperalos.

FWWWRANDO