Vieiros

Cognition Technologies elaborou un software que ensina virtualmente aos ordenadores o significado de palabras e frases en inglés. Trátase da denominadas Web 3.0, ou web semántica.

Con estes programas os ordenadores poden "comprender" as palabras segundo o contexto da frase, de igual xeito que o fai un cerebro humano.

Aplicada ás buscas en internet, a tecnoloxía semántica permitirá guiar ao usuario cara o obxecto da súa busca, no canto de contentarse con unir palabras clave. Un exemplo: se buscamos semanticamente "cancións melancólicas con paxaros" esta tecnoloxía sabería unir a tristeza da música con varias especies de paxaros.

Na actualidade, o mapa semántico de Cognition Technologies é utilizado nun programa de "e-discovery" LexisNexis Concordance que serve para peneirar os documentos reunidos nas fases de evidencia dos xuízos.

E é que un dos obxectivos da web 3.0 é crear axentes de intelixencia artificial que seleccionen moreas de informacións de internet para atopar o material que responda ás necesidades de cada usuario.

FWWWRANDO