Vieiros

Farois, incensarios, tapices, alfombras e coxíns adornan a carpa aberta por Islam Online dentro do mundo virtual de Second Life. Nela ofrécese a posibilidade de vivir o Ramadán de xeito virtual, dende calquer recuncho do mundo.

Con esta iniciativa, Islam Online pretende que os usuarios poidan disfrutar do ambiente espiritual e tradicional do Ramadán, aso como dar a coñecer o Islam.

Na "jaima" de Second Life pódese, por exemplo, escoitar e ler o Corán dun enorme librp colocado no centro da carpa. Ademais, tódolos días o famoso recitador de Kuwait Mishari Rashed Al Afasi ensina como memorizar unha parte deste libro sagrado dos musulmáns.

Tamén serve este espazo como lugar onde recibir axuda, xa que nunhas sesións semanais chamadas "Primeiro ano de xexún" ofrécenselle aos fieis que cumpren co Ramadán por vez primeira consellos para solucionar os problemas que lles poidan xurdir.

Non faltan tampouco os edictos relixiosos ofrecidos por expertos na Shariá (lei islámica) que se sentan na "jaima" onda os visitantes para responder ás súas preguntas.

Despois de desaiunar, os usuarios poden elixir entre diversas actividades para divertirse, dende partidas de xadrez ata charlas sobre o Ramadán. Incluso, se ten previsto que se organice durante este mes un desfile de moda árabe e islámica, que presentará traxes de países como os Emiratos Árabes, Marrocos ou Malaisia.

FWWWRANDO