Vieiros

Foi un fermoso partido que comezou cun parcial de tres a cero para o equipo que remataría por acadar a vitoria. O Cidade das Burgas recuperouse e foi diminuíndo a diferenza até acadar o empate, a falta de menos de un minuto para o descanso.

Na segunda parte o Ponte Ourense conseguiu adiantarse no marcador co segundo gol de Yenis, e agardou até o último minuto para sentenciar o encontro co gol de Lucía. Un gran espectáculo de fútbol sala o que puideron desfrutar aqueles que se achegaron o pasado domingo ao Pavillón Municipal de Lugo.