Vieiros

"Até o de agora funcionou", afirmou Ismael Rego sobre o actual modelo de financiamento autonómico, "se non á perfección, con estándares moi próximos a ela". Nesa liña, o voceiro parlamentar do PsdeG censurou o que cualificou de intentos de "romper" ese equilibrio, malia admitir a necesidade de "poñer a punto" o sistema para atender as necesidades financeiras na dotación de servizos.

Foi así como Rego reprochou a posición mantida en Cataluña polo líder do PSC e presidente da Generalitat, José Montilla, criticando o que definiu de "excesos verbais" do catalán. Segundo o deputado socialista, a posición correcta sería a expresada polo secretario xeral do PsdeG, Emilio Pérez Touriño, "baseada en que ninguén quede discriminado", asegurou. "Sobran os excesos verbais e fai falta establecer moitos puntos de encontro", resumiu.