Vieiros

O xurado destacou a calidade literaria e riqueza de personaxes da proposta do autor compostelán Carlos Losada, gañador así nesta edición 2008 do Premio Abrente para Textos Teatrais que outorgou a Mostra Internacional de Teatro de Ribadavia. O xurado salientou ademais o "desexo de innovación" amosado na estrutura dramática do texto e sinalou o interese da temática tratada, "a perda da memoria".

Por outra parte, o premio do xurado ao mellor espectáculo de sala foi para 'Hotel Paradiso', da compañía Familie Flöz. Mentres, o de espectáculo máis innovador recaeu en 'Golulá', de Galitoon. Ademais, o premio do público foi para 'A verdadeira historia dos Irmáns Marx', de Teatro Meridional. Por outro lado, e tal e como xa se anunciara hai días, o premio de honra será para a Asociación de Actores e Actrices de Galicia.