Vieiros

Tras gañar na liguiña de ascenso á División de Honra do Fútbol Sala feminino (disputada esta fin de semana), o Valdetires de Ferrol pasou a proba, conseguindo finalmente unha das tres prazas que perderon esta tempada o Preconte Telde de Gran Canaria; o Bimil.lenari de Elxe; e o Bitango de Fuenlabrada. No ascenso, as de Ferrol estarán acompañadas polas xogadoras do Zona Franca de Cádiz e do Torre Pacheco de Murcia.

Esta cuarta feira, o Club Valdetires foi recibido, en pleno, pola directora xeral para o Deporte, Marta Souto, e polo vicepresidente da Federación Galega de Fútbol, Xosé Antonio Lobelle.

Volven estar "no lugar que lles corresponde"
O Clube, que segundo Lobelle, "volve estar no lugar que lle corresponde" (estivo 18 anos seguidos na División de Honra, pero levaba tres tempadas na segunda).

Durante a recepción, Marta Souto prometeulles ás xogadoras ferrolás ilas ver na próxima tempada,"xa que estou segura de que ides dar un gran espectáculo", e destacou o feito de que poderemos ver un derbi galego, xa que agora, co ascenso do Valdetires, hai dous equipos galegos na máxima.